News & Events

Details: Category: News

இலங்கை திருநாட்டின் 78 வது சுதந்திர தின நிகழ்வின் கிளிநொச்சி மாவட்டத்திற்கான பிரதான நிகழ்வு கிளிநொச்சி மாவட்ட செயலகத்தில் இன்று (04) திகதி வெகு சிறப்பாக இடம்பெற்றது.

மாவட்ட அரசாங்க அதிபர் S.முரளிதரன் அவர்கள் தலைமையில் இடம் பெற்ற நிகழ்வில் சர்வமத தலைவர்கள், கிளிநொச்சி மாவட்ட மேலதிக அரசாங்க அதிபர், மாவட்ட செயலக உயரதிகாரிகள், உத்தியோகத்தர்கள்,சிரேஸ்ர சாரண உறுப்பினர்கள்,சாரண மாணவர்கள், பாடசாலை மாணவர்கள் மற்றும் பொதுமக்கள் என பெருமளவானோர் கலந்து கொண்டனர்.
 

முன்னதாக பாடசாலை மாணவர்களின் பாண்ட் வாத்திய பவணி மற்றும் சாரணர் மாணவர்கள் உள்ளிட்ட பாடசாலை மாணவர்களின் மரியாதை அணிவகுப்பு நடை பவனியுடன் ஆரம்பித்த சுதந்திர தின நிகழ்வில் தாய்த்திரு நாட்டின் தேசிய கொடி அரசாங்க அதிபரினால் ஏற்றப்பட்டு தேசிய கீதம் இசைக்கப்பட்டு மரியாதை செலுத்தப்பட்டதனைத் தொடர்ந்து, நாட்டிற்காக உயிர் நீத்தவர்களுக்காக மௌன அஞ்சலியும் செலுத்தப்பட்டது.
 

அதனைத் தொடர்ந்து சர்வமத தலைவர்களின் ஆசியுரைகளை தொடர்ந்து மாவட்ட அரசாங்க அதிபரின் தலைமையுரை இடம்பெற்றது.

அதனைத்தொடர்ந்து நிகழ்வில் கலந்து கொண்ட மாணவர்களுக்கான பரிசில்கள் வழங்கப்பட்டன.

தொடர்ந்து பயன்தரு மரக்கன்றுகள் மாவட்டச்செயலக வளாகத்தில் நடப்பட்டதோடு மாவட்டச்செயலகத்தின் வெளிப்புற சூழலில் சிரமதான நிகழ்வும் முன்னெடுக்கப்பட்டது.

Details: Category: News

இந்துக்களின் முக்கியமான சமய நிகழ்வுகளில் ஒன்றான தைப்பூச திருநாளில் (11) கிளிநொச்சி மாவட்ட செயலகத்தில் ஏடுதொடக்கல் நிகழ்வு பக்திபூர்வமாகவும் சிறப்புறவும் நடைபெற்றது. மாவட்ட அரசாங்க அதிபர் திரு. எஸ். முரளிதரன் அவர்களின் தலைமையில், மாவட்ட நலன்புரிச் சங்கத்தின் ஏற்பாட்டில் நடைபெற்ற இந்நிகழ்வில், மாவட்ட செயலக உத்தியோகத்தர்களின் பிள்ளைகளுக்கான ஏடுதொடக்கல் வைபவம் முறையாக இடம்பெற்றது. கல்வியின் தொடக்கமாகவும், அறிவின் ஒளி பரவலாகவும் அமைந்த இந்நிகழ்வில், மாவட்ட செயலகத்தின் பதவிநிலை உத்தியோகத்தர்கள், ஏனைய உத்தியோகத்தர்கள் உள்ளிட்ட பலர் கலந்துகொண்டு நிகழ்வை சிறப்பித்தனர்.

படங்கள்:

Details: Category: News

கிளிநொச்சி மாவட்டத்தில் தீர்க்கப்படாமல் நீண்டகாலமாக நிலவி வரும் காணிப் பிணக்குகளைத் தீர்த்து வைப்பதற்காக காணி தொடர்பான கலந்துரையாடல் மாவட்ட அரசாங்க அதிபர் தலைமையில் நடைபெற்றது. குறித்த கலந்துரையாடலில் நீண்டகாலமாக வசித்து வருகின்ற குடியிருப்பாளர்களுக்குரிய அனுமதிப்பத்திரம் வழங்கல், ஹிமிகம திட்டத்தின் கீழ் காணி அளிப்பு பத்திரங்கள் வழங்கல், LRC (Land Reform Commission) காணிகள் தொடர்பான விடயங்கள், மேலும் நீண்டகால குத்தகை அடிப்படையிலான காணி வழங்கல் போன்ற முக்கிய விடயங்கள் விரிவாக ஆராயப்பட்டன. முன்னதாகவும், கிளிநொச்சி மாவட்டத்தில் காணி உரிமை தொடர்பான பிரச்சினைகள் குறித்து மாவட்ட மட்ட கலந்துரையாடல்கள், அமைச்சர் மட்ட மற்றும் வடக்கு மாகாண ஆளுநர் தலைமையிலான சந்திப்புகள் மற்றும் அரசாங்க அதிபர் தலைமையிலான ஆலோசனைக் கூட்டங்கள் இடம்பெற்றிருந்தன. குறிப்பாக போரால் பாதிக்கப்பட்ட மக்களின் காணி உரிமைகளை உறுதி செய்வது, நீண்டகாலமாக தீர்வு காணப்படாமல் உள்ள LRC காணி விவகாரங்கள், அனுமதிப்பத்திரங்களிலிருந்து நிரந்தர உரிமை அளிப்பு பத்திரம் வழங்கும் நடைமுறை ஆகியவை கடந்த காலங்களில் தொடர்ச்சியாக கலந்துரையாடப்பட்டதோடு தீர்வின் பொருட்டு நடமாடும் சேவை உள்ளிட்ட மேலதிக நடவடிக்கைகள் மாவட்ட அரசாங்க அதிபர் தலைமையில் மாவட்ட மற்றும் பிரதேச செயலாளர் பிரிவுகள் ரீதியாக மேற்கொள்ளப்பட்டன. இந் நடவடிக்கையின் தொடர்ச்சியாக இக் கலந்துரையாடல் அமையப்பெற்றிருந்தது. அதிக நிலுவையில் உள்ள காணி கோப்புகளை விரைவாக பரிசீலித்து, சட்டப்பூர்வமான தீர்வுகளை வழங்குவது, பொதுமக்கள் எதிர்கொள்ளும் தாமதங்களை குறைப்பது என்பதே இக்கலந்துரையாடலின் முக்கிய நோக்கமாக அமைந்தது.எதிர்வரும் காலங்களில் இதுபோன்ற கலந்துரையாடல்கள் தொடர்ச்சியாக நடைபெற்று, கிளிநொச்சி மாவட்ட மக்களின் காணி தொடர்பான நீண்டகால பிரச்சினைகளுக்கு நிரந்தர தீர்வு பெற்றுக்கொடுக்கப்படும் என எதிர்பார்க்கப்படுகிறது. இக் கலந்துரையாடலில் மேலதிக அரசாங்க அதிபர்(காணி), மாகாண காணி ஆணையாளர், பிரதேச செயலாளர்கள், சிரேஸ்ட நில அளவை உத்தியோகத்தர், மாகாண காணி அலுவலக சிரேஸ்ட காணி உத்தியோகத்தர்கள், பிரதேச செயலகங்களில் கடமையாற்றும் காணி உத்தியோகத்தர்கள், அபிவிருத்தி உத்தியோகத்தர்கள் கலந்துகொண்டனர்.

படங்கள்:

Details: Category: News

படங்கள்:

Details: Category: News

கிளிநொச்சி மாவட்ட அரசாங்க அதிபர் S.முரளிதரன் அவர்களின் தலைமையில் கிளிநொச்சி மாவட்ட செயலகத்தின் மாநாட்டு மண்டபத்தில் குறித்த கலந்துரையாடல் இடம்பெற்றது. வனஜீவராசிகள் மற்றும் வனவளத் திணைக்கள காணிகளை அபிவிருத்தியின் பொருட்டு விடுவித்தல் மற்றும் மாவட்டத்தின் நிலவும் ஏனைய காணிப்பிரச்சினைகளும் கலந்துரையாடப்பட்டதுடன் பிரச்சினைகளுக்கான தீர்வுக்குரிய வழிவகைகள் குறித்தும் ஆராயப்பட்டன. அத்துடன் மக்களது காணிகள், விவசாய நிலங்கள், அரச தேவைக்கான காணிகள் போன்றவற்றை குறித்த திணைக்களங்களிடமிருந்து விடுவித்தல் தொடர்பாகவும் ஆராயப்பட்டன. மேலும் குறிப்பாக நீண்டகாலமாக விடுவிக்கப்படாமல் இருக்கின்ற மக்களது காணிகள் தொடர்பிலும் இதன்போது விரிவாக ஆராயப்பட்டமை குறிப்பிடத்தக்கது. குடியிருப்பு, பயிர்ச்செய்கைக்கு தேவையான காணிகள், அபிவிருத்திக்கு தேவையான காணிகளை விடுவிப்பதற்குரிய இவ் ஆரம்ப கட்ட கலந்துரையாடலில் மேலதிக அரசாங்க அதிபர்(காணி) பிரதேச செயலாளர்கள், மாவட்ட வனஜீவராசிகள் மற்றும் வனவளத் திணைக்கள அலுவலர்கள், குடியேற்ற உத்தியோகத்தர்கள் ஆகியோர் கலந்துகொண்டனர்.

படங்கள்: